Streitumeðferð og fræðsla fyrir dvalargesti

Fjögurra vikna námskeið hefst 10. október 2018 - Námskeiðið er fyrir þá sem glíma við alvarleg streitueinkenni og/eða kulnun í starfi eða einkalífi.

 Innritun 1 Fyrsti tími Útskrift
þri - mið. Fimmtudagur þri. - mið
9. - 10. okt 11. október 6. - 7. nóv

 

Á þessu námskeiði eru lokaðir hópar með 12-16 dvalargestum. Kennt er í fjórar vikur, átta skipti í tvo samfellda tíma í senn. Gert er ráð fyrir að þátttakendur vinni heimaæfingar á milli tímanna. Boðið er upp á einkaviðtöl á námskeiðinu.

Alvarleg streita er að verða stöðugt stærra vandamál í íslensku þjóðfélagi og rannsóknir sýna að stærsti hópurinn sem þjáist af alvarlegum streitueinkennum er á aldrinum 45-65 ára. Afleiðingar þess geta haft veruleg áhrif á andlega og líkamlega heilsu og leitt til örorku.

Á námskeiðinu er einnig hugað að hollri og góðri næringu, hæfilegri hreyfingu og slökun.

Hvað lærist?

  • Að þekkja eigin streituvalda
  • Að þekkja eigin streitueinkenni
  • Kynnast leiðum til að losa okkur við lítið gagnlega vana
  • Að sættast við okkur eins og við erum, í stað þess að dæma okkur
  • Nýjar aðferðir til að takast á við óhjákvæmilega streitu í lífinu
  • Tenging mataræðis og streitu

Kennari og umsjón: Margrét Grímsdóttir, hjúkrunarfræðingur

Námskeiðunum fylgja kennslugögn og verkefnabók

Ef þetta vekur forvitni þína og þú telur að þessi námskeið gætu hentað þér er hægt að hafa samband við innlagnaritara í síma 483 0300 virka daga kl. 10-12.

Einnig má senda tölvupóst á beidni(hja)heilsustofnun.is