Aukið frelsi – aukin hamingja

Aukið frelsi - aukin hamingja

Helgarnámskeið 10.-12. nóvember - Rósa Richter sálfræðingur og listmeðferðarfræðingur

Námskeiðið hentar þér;

ef þú hefur endurtekið reynt að breyta óæskilegri hegðun eða mynstri en hefur svo dottið í sama farið aftur og aftur og ert tilbúin að skoða rót vandans og fást við hann með nýjum og öflugum verkfærum.

Námskeiðið mun gera þér kleift að öðlast dýpri skilning á því sem liggur á bak við hegðunina og gefa þér verkfæri til að vinna bug á henni.

Lesa meira ...

Heilsustofnun í Hveragerði vann nýsköpunarverðlaun ESPA

Heilsustofnun í Hveragerði sigraði í sínum flokki “Innovative Health Spa Program” þegar nýsköpunarverðlaun ESPA, Evrópsku Heilsulindasamtakanna voru veitt við hátíðlega athöfn á aðalfundi samtakanna sem haldinn var í Róm 11. maí sl.  

Árlega eru veitt verðlaun til aðila innan samtakanna sem skara framúr og er þetta í þriðja sinn sem Heilsustofnun fær nýsköpunarverðlaun.

Lesa meira ...

Í fimmta sæti yfir Fyrirmyndarstofnun ársins 2017 hjá SFR

Við erum stolt af starfseminni hjá Heilsustofnun og fögnum því að vera í 5.sæti í Fyrirmyndarstofnun ársins 2017

Í flokki stærstu stofnana eru fimm fyrirmyndarstofnanir. Þær eru auk Reykjalundar, Ríkisskattstjóri (sem sigraði fyrir ári), Fjölbrautaskóli Suðurnesja (sem var í öðru sæti í fyrra), Vínbúðirnar (ÁTVR) (sem voru í fjórða sæti í fyrra) og Heilsustofnun NLFÍ (sem var í sjöunda sæti fyrir ári).

Fimm efstu sætin skipa:

  1. Reykjalundur
  2. Ríkisskattstjóri
  3. Fjölbrautaskóli Suðurnesja
  4. Vínbúðirnar (ÁTVR)
  5. Heilsustofnun NLFÍ *

Hér má sjá bækling frá SFR um stofnanir ársins 2017

 


Áhrif af heitum böðum

Nemar í sjúkraþjálfun og íþróttafræði við University of Vermont dvöldu á Heilsustofnun í mars 2016. Á meðan á dvölinni stóð gerðu þau könnun á áhrifum þess að liggja í heitum vatnsböðum í 15 mín fyrir hreyfingu. Mæld voru áhrif á blóðþrýsting, púls og öndunartíðni sem og hreyfigetu. Niðurstöðurnar voru þær að eftir að legið í heitu vatni í 15 mínútur bregst líkaminn við í blóðþrýstingi og eins og eftir upphitun fyrir æfingar væri að ræða, en hefur ekki áhrif á hreyfigetu.

Þessar niðurstöður geta komið sér mjög vel þegar um er að ræða einstaklinga með td slitgigt, þar sem verkir geta hamlað mikilli hreyfingu. Þessir einstaklingar geta þá "hitað upp" í heitu vatni, og nýtt hreyfifærnina í aktívri hreyfingu.

Lesa meira ...

Ánægjuleg grein um matinn okkar á Heilsustofnu

Heilsustofnunin hefur alltaf verið framarlega í heilsufræðum en Jónas Kristjánsson, læknir og stofnandi félagsins, var einn sá fyrsti hérlendis til að vara við mikilli sykurneyslu og hlaut bágt fyrir enda langt á undan sinni samtíð. Blaðamaður mbl.is kom í heimsókn á páskadag og gerði matnum vel skil í skemmtlegri grein sem má sjá hér.


Ímynd Heilsustofnunnar - könnun á vegum markaðsfræðinema í HÍ

Þau Helga Björg Antonsdóttir, Hrönn Óskarsdóttir, Jón Ingi Björnsson, Sigrún Buithy Jónsdóttir og Tómas Gunnar Viðarsson eru í meistaranámi í Markaðsfræðum og alþjóðaviðskiptum við Háskóla Íslands. Eitt af verkefnum þeirra í námskeiðinu, Stefnumiðuð markaðsfærsla er að skoða ímynd Heilsustofnunar í Hveragerði og áhuga fólks á heilsudvöl og námskeiðum á Heilsustofnun. 

Vinsamlega smellið á þennan link til að taka þátt - http://heilsustofnun.questionpro.com/


Þrálátir stoðkerfisverkir – Algengi, áhrif og þverfræðileg úrræði á Íslandi

Sigrún Vala Björnsdóttir varði doktorsritgerð sína í lýðheilsuvísindum föstudaginn 3. febrúar 2017.

Ritgerðin ber heitið: Þrálátir stoðkerfisverkir – Algengi, áhrif og þverfræðileg úrræði á Íslandi. Chronic Musculoskeletal Pain – Prevalence, impact and multidisciplinary treatment in Iceland.

Andmælendur: dr. Dave Walton, dósent í sjúkraþjálfun við Western University í Kanada, og dr. Ragnheiður Harpa Arnardóttir, dósent við Háskólann á Akureyri.
Umsjónarkennari og leiðbeinandi var dr. Unnur Anna Valdimarsdóttir, prófessor við Læknadeild Háskóla Íslands.

Lesa meira ...

Laus starf í eldhúsi 100%

Laust er til umsóknar 100% staða í eldhúsi Heilsustofnunar. 

Umsókn og nánari upplýsingar hjá Aldísi Eyjólfsdóttur, This email address is being protected from spambots. You need JavaScript enabled to view it. s. 483 0300


Grasaferð í þágu Heilsustofnunar NLFÍ

Grasaferð í þágu Heilsustofnunar NLFÍ

Fimmtudaginn 7. júlí n.k. verður farin grasaferð til að safna jurtum fyrir heilsute Heilsustofnunar. Grasaferðin verður í göngufæri við Heilsustofnun NLFÍ í Hveragerði.

Leiðbeinandi er garðyrkjustjóri Heilsustofnunar, Jónas V. Grétarsson.

Lesa meira ...

Aðlögun að lífrænum búskap – Fyrstu skrefin

Námskeið fyrir bændur og annað áhugafólk um lífræna aðlögun, framleiðslureglur, leiðbeiningar, eftirlit, vottun, aðlögunarstuðning, vinnslu og markaðssetningu lífrænna afurða.

  • Reykjavík, föstudaginn 6. maí 2016, kl. 11.00-16.00, Þarabakka 3 (3.h.), 109
  • Reykjavík (í Mjóddinni; næg bílastæði t.d. nærri Breiðholtskirkju).
  • Námskeiðsgjald er kr. 20.000. Innifalið í námskeiðinu er prentað fræðsluefni, allar glærur og eintak af Reglum Túns um lífræna framleiðslu, auk veitinga.

Tilkynningar um þátttöku skal senda á This email address is being protected from spambots. You need JavaScript enabled to view it. fyrir kl. 12.00 fimmtudaginn 5. maí.

Nánari upplýsingar veita Ólafur Dýrmundsson (This email address is being protected from spambots. You need JavaScript enabled to view it.) og Gunnar Á. Gunnarsson (s. 511 1330 & 820 4130).

Lífræna akademían er samstarfsvettvangur þriggja fag- og hagsmunaaðila á sviði lífrænnar framleiðslu:

Bændasamtök Íslands, Verndun og ræktun og VOR Vottunarstofan Tún ehf.


Hvað ef það sem við höfum haldið um mataræði, offitu og lífsstílssjúkdóma er rangt?

Kæri félagsmaður, við vekjum athygli á heilsdagsráðstefnu í Eldborgarsal Hörpunnar og frábærum afslætti fyrir félagsmenn NLFR. Nánari upplýsingar og skráning er að finna á www.foodloose.is

Við skráningu slærð þú einfaldlega inn kóðann ‪#‎FL2016BHEALTHY

Nánar um ráðstefnuna

Lesa meira ...

Hvað ef þú þarft ekki að breytast?

Grein eftir Margréti Arnljótsdóttur

Hér má finna grein eftir Margréti Arnljótsdóttur sem er sérfræðingur í klínískri sálfræði, sjálfstætt starfandi sálfræðingur og starfar jafnframt á Heilsustofnun Náttúrulækningafélags Íslands í Hveragerði.

Ritstjóri/ar/Höfundur/ar eru Andri S. Björnsson, Guðfinna Eydal og Katrín Kristjánsdóttir.

Af sál er gefin út til heiðurs Álfheiði Steinþórsdóttur sálfræðingi á sjötugs afmæli hennar. Í bókinni má finna fjölda greina eftir samstarfsfólk Álfheiðar, vini hennar og fjölskyldu. Efni þeirra er af ýmsum toga. Sumar fjalla greinarnar um Álfheiði sjálfa og lífshlaup hennar. Aðrar taka á mörgum þeim hugðarefnum sem henni hafa verið hugleikin á langri starfsævi svo sem sálrænni meðferð, þroska einstaklingsins og hinu fjölbreytta starfi sálfræðinga á ýmsum sviðum þjóðlífsins.

Álfheiður er frumkvöðull á sviði sálfræði hér á landi. Hún hóf störf á Kleppi, vann um árabil hjá Félagsmálastofnun og stofnaði síðar Sálfræðistöðina ásamt Guðfinnu Eydal. Hún hefur alla tíð sinnt sálrænni meðferð og handleiðslu. Þær Guðfinna hafa enn fremur haldið ótal námskeið og ritað í sameiningu bækur um fræðasvið sitt. Álfheiður er fyrsti handhafi heiðursverðlauna Sálfræðingafélags Íslands.

„Hvað ef þú þarft ekki að breytast?“ - Margrét Arnljótsdóttir (2016) - Um reynslu af gjörhyglinámskeiðum - Hægt er að lesa greinina.