Nú líður að jólum og við vekjum athygli á því að sundlaugin verður lokuð fyrir almenning frá 18. desember til sunnudagsins 3. janúar 2016. Unnið er að lagfæringum í baðklefum og verða komin ný gólfefni á nýju ári!

Heilsustofnun lokar kl. 16:00 miðvikudaginn 23. desember og opnar aftur sunnudaginn 3. janúar 2016.

Starfsfólk óskar dvalargestum og velunnurum gleðilegra jóla og góðrar heilsu á nýju ári.

Laugardaginn 28. nóvember verður haldinn þögull dagur og gefst öllum sem hafa komið á gjörhyglinámskeið (4 vikna og 8 vikna námskeið) tækifæri til að taka þátt þennan dag.

Við byrjum klukkan 10.00 og endum kl 16.00. Dagurinn er þögull og  þögnin byrjar þegar við komum í hús og verður rofin undir lok dagskrárinnar þar sem tími gefst til að ræða upplifunina. Á meðan þögnin stendur yfir horfum við ekki hvort á annað og notum tímann til að vera ein með sjálfum okkur.
Bridget Ýr (Bee) mun leiða okkur í notalega stund og samveru í þögn allan tímann. Hreyfing - hugleiðsla, bæði sitjandi og liggjandi er hluti af dagskrá.

Lesa meira ...

Nú eru nokkur laus störf til umsóknar en um er að ræða stöðu deildarstjóra hjúkrunar og aðstoðarlæknir

Deildarstjóri hjúkrunar er 80% starfshlutfall og staðan laus frá 1. janúar 2016 eða samkvæmt samkomulagi. Einnig er starf aðstoðarlæknis laus til umsóknar í 6-12 mánuði, starfshlutfall 100%.

Nánari upplýsingar má finna hér.

Fræðslunefnd Náttúrulækningafélags Íslands efnir til málþings undir heitinu „Þarmar með sjarma!“ á Icelandair Hótel Reykjavík Natura, þingsal 1 þriðjudaginn 10. nóvember 2015 kl. 20:00

Reynt verður að svara eftirfarandi spurningum:

  • Eru þarmar með sjarma?
  • Er fæði frummannsins betra fyrir þarmana?
  • Eru þarmar matvandir?
  • Byrjar og endar heilsa okkar í þörmunum?
  • Eru tengsl milli þarma og ADHD?
  • Hefur sykurneysla áhrif á þarma?
Lesa meira ...

Það eru mörg námskeið opin öllum í boði á Heilsustofnun. Má þar nefna lífsstílsnámskeiðið "Komdu með", námskeið í samkennd, námskeið í gjörhygli og námskeið til að vinna úr sorg og ástvinamissi.

Einnig nálgast jólin og viku heilsudvöl á Heilsustofnun er frábær leið til kúpla sig frá jólastressinu og hlaða batteríin.
Nánari upplýsingar um námskeiðin og skráning hér

Lesa meira ...

Fréttir af starfinu

Vilt þú gerast hollvinur Heilsustofnunar?