Heilsuhelgi með Geir Gunnari Markússyni næringarfræðingi

29. nóvember - 1. desember eða 6.-8. desember

Hressandi en um leið afslappað námskeið í umhverfi Heilsustofnunar

Frábært tækifæri til þess að njóta lífsins og setja heilsuna í forgang.

Geir Gunnar mun kenna þátttakendum að:

• bera ábyrgð á eigin heilsu
• leggja áherslu á holla næringu og reglulegar máltíðir
• gæta að góðri meltingu
• gera hreyfingu að daglegri venju
• setja svefninn í forgang
• styrkja sig andlega
• setja sér skýr heilsumarkmið
• tileinka sér einfaldar reglur í heilsusamlegum lífsstíl

Núvitund – mindfulness, 8 vikur

Næsta námskeið hefst 16. október 2019 (Námskeiðið er hafið)

Þetta námskeið er ekki fyrir inniliggjandi dvalargesti.

Námskeið í núvitund við verkjum, kvíða, þunglyndi og streitu. Námskeiðið tengir saman núvitund og hugræna atferlismeðferð.

Unnið er í lokuðum hópum 12-16 einstaklinga. Kennt er í átta skipti, einu sinni í viku í tvo tíma í senn. Þátttakendur þurfa að gera ráð fyrir daglegum heimaæfingum á milli tímanna.

Kennt er á miðvikudögum kl. 15:30 - 17:30.  - Þögull laugardagur verður á seinni hluta námskeiðsins

Tökum stjórnina - streita og kulnun

Næsta námskeið er 15.-20. september 2019 ath. námskeiði er lokið

5 daga námskeið frá sunnudegi til föstudags

• Ertu að upplifa kulnun í lífi eða starfi?
• Er þráðurinn stuttur og neistinn farinn?
• Ertu með stöðuga kvíðatilfnningu?
• Langar þig að ná aftur tökum á eigin lífi?

Þetta námskeið er fyrir einstaklinga semupplifa sig á barmi kulnunar í lífi og/eða starfi. Á námskeiðinu skoða þátttakendur hverjir eru þeirra helstu streituvaldar og streitueinkenni. Samspil sjálfsmyndar,meðvirkni og streitu er skoðað og kenndar leiðir til að takast á við streitu í eigin lífi.

Aukið frelsi - aukin hamingja

31.mars til 5. apríl 2019 - ATHUGIÐ AÐ NÁMSKEIÐINU ER LOKIÐ

5 daga námskeið frá sunnudegi til föstudags

Rósa Richter sálfræðingur og listmeðferðarfræðingur

Ert þú tilbúin(n) að bæta líðan þína og/eða breyta skaðlegu hegðunarmynstri með því að skoða rót vandans, vinna úr erfiðum minningum og byggja upp nýja von og framtíðarsýn?

Með hjálp EMDR sem talin er áhrifaríkasta áfallameðferð sem býðst í dag, göldrum listmeðferðarinnar, mætti hugleiðslunnar og útiveru í náttúrunni býður þetta námskeið upp á raunveruleg tækifæri til sjálfskoðunar, endurnýjunar og breytinga. 

Ritmennskunámskeið - að skrifa sig úr skugganum í ljósið

Næsta námskeið er um páskana 2019, frá 17.-21.apríl ATHUGIÐ AÐ NÁMSKEIÐI ER LOKIÐ

Námskeið frá miðvikudegi til sunnudags, Steinunn Sigurðardóttir rithöfundur leiðir þátttakendur í að losa sig frá erfiðum tilfinningum með skapandi skriflegri tjáningu.

Opin dagskrá fyrir dvalargesti Heilsustofnunar yfir páskana

Myndsköpun

Næsta námskeið - dagsetning í vinnslu

Námskeið í myndsköpun er byggð á sálfræðikenningum C.G. Jungs.

Leiðbeinandi er Gréta Berg hjúkrunarfræðingur og myndlistarkona. Námskeiðið er haldið á laugardegi frá kl.9-15 og sunnudegi frá kl.10-12

Verð fyrir dvalargesti er 8.000 kr. og verð fyrir utanaðkomandi er 16.000 kr. og með gistingu 20.000 kr.

Streitumeðferð og fræðsla fyrir dvalargesti

Fjögurra vikna námskeið hefst 10. október 2018 - Námskeiðið er fyrir þá sem glíma við alvarleg streitueinkenni og/eða kulnun í starfi eða einkalífi.