Hugleiðsla á Heilsustofnun

Á síðustu árum hefur athygli vestrænna vísindamanna beinst að því hvernig fornar hugleiðsluaðferðir geta nýst okkur í daglegu lífi og hjálpað okkur að finna kyrrð innra með okkur og í framhaldi átt auðveldara með að fást við þá streitu og erfiðleika sem lífið leggur óhjákvæmilega á okkur. 

Núvitund eða gjörhygli er þýðing á enska orðinu mindfulness og er einfaldlega það að vita hvað er að gerast á meðan það er að gerast. Að einsetja sér  að beina athyglinni að núverandi augnabliki, hlutlaust og taka því eins og það er.

Æ fleiri rannsóknir hafa birst á allra síðustu árum sem hafa sýnt fram á að núvitund nýtist afar vel fólki sem er að berjast við verki, háþrýsting, svefnerfiðleika, hjarta- og æðasjúkdóma og krabbamein. Núvitund nýtist einnig við sálfræðilegum vandamálum, s.s. endurteknu þunglyndi, streitu, kulnun, kvíða og ofsakvíða.

Á Heilsustofnun er núvitundarhugleiðsla fyrir alla dvalargesti kl. 9-10 frá mánudegi til fimmtudags. Fyrir þá sem vilja fara dýpra og læra að nýta núvitund til að fást við verki, þunglyndi, kvíða eða streitu bjóðum við upp á dýpri námskeið, þar sem gert er ráð fyrir mun meiri þjálfun og æfingu.

Skráning á This email address is being protected from spambots. You need JavaScript enabled to view it.

Vilt þú gerast hollvinur Heilsustofnunar?

Við fáum reglulega reynslusögur frá gestum okkar og hér getur þú séð hvað þeir segja um dvöl sína á Heilsustofnun.

Skoða ummæli