Heilsudvöl í Hveragerði

Forvarnir og heilsuefling er nauðsynleg fyrir andlega og líkamlega vellíðan. Í starfi Heilsustofnunar er lögð áhersla á að gestir nái sem bestri líðan bæði á líkama og sál. Heilsudvöl er í boði fyrir alla sem vilja bera ábyrgð á eigin heilsu.

Má bjóða þér í heilsudvöl?

Læknisfræðileg endurhæfing

Sérhæfð læknisfræðileg endurhæfing sem byggir á því að meðhöndla sjúkdóma og slys heildrænt. Hér fara saman félagslegar, læknisfræðilegar og sálfræðilegar úrlausnir sem miða að því að ná sem mestri mögulegri færni og lífsgæðum.

Skoða nánar

Fréttir af starfseminni

Margrét Grímsdóttir framkvæmdastjóri hjúkrunar á Heilsustofnun Náttúrulækningafélagsins hefur um árabil verið með fræðslu, námskeið og streitumeðferð á Heilsustofnun í Hveragerði.

Í viðtali hjá Heimildinni ræðir Margrét við Ragnheiði Linnet um langvarandi streitu og áreiti sem geta haft skaðleg áhrif. Margrét og Sigrún Sigurðardóttir prófessor við HA hafa verið með námskeið á Heilsustofnun Náttúrulækningafélagsins þar sem þær kenna aðferðir til þess að takast á við streitu og afleiðingar áfalla. Viðtalið við Margréti er birt hér að neðan í heild sinni með góðfúslegu leyfi Heimildarinnar.

Í dag verður undirritaður nýr þjónustusamningur við Heilsustofnun Náttúrulækningafélagsins í Hveragerði. Samningurinn er efnislega samþykktur en Alma Möller heilbrigðisráðherra og Sigurður H. Helgason forstjóri Sjúkratrygginga Íslands undirrita samninginn forlega í Matstofu Jónasar á Heilsustofnun um eða upp úr hádegi í dag. Við sama tækifæri verður samningurinn kynntur efnislega. Samningurinn gildir til ársloka 2029.

Í dag var undirritaður nýr fjögurra ára þjónustusamningur við Heilsustofnun Náttúrulækningafélagsins í Hveragerði. Samningurinn gildir frá 1. janúar 2026 til 31. desember 2029. „Samningurinn markar mikilvægt skref í að efla stöðugleika og fyrirsjáanleika í þjónustu við einstaklinga sem þurfa á sérhæfðri endurhæfingu að halda,“ segir í fréttatilkynningu heilbrigðisráðuneytisins. „Hámarksfjárhæð samningsins nemur tæpum 1,5 milljörðum króna á ári. Með samningnum er tryggður traustur grunnur fyrir áframhaldandi uppbyggingu þjónustunnar en síðasti samningur var gerður árið 2019.“

Höfundur Pálmi Jónasson 26. maí, 2026

„Í veikindaleyfinu endaði ég á dvöl á heilsuhælinu í Hveragerði, sem er vægast sagt frábær staður að vera á,“ segir Jón Viðar Matthíasson í viðtali á Vísi.is. Jón Viðar er fyrrverandi slökkviliðsstjóri Slökkviliðs höfuðborgarsvæðisins og nú framkvæmdastjóri almannavarnarnefndar höfuðborgarsvæðisins.

Undanfarin ár hafa stjórnendur Heilsustofnunar Náttúrulækningafélagsins sett fram framtíðarsýn og yfirlit yfir þau verkefni sem áhersla er lögð á. Áhersla er ætíð lögð á forgangsröðun mikilvægustu þátta til að efla gæði þjónustunnar og mælanleika.

Árlegur fjöldi dvalargesta á Heilsustofnun Náttúrulækningafélagsins í Hveragerði er að jafnaði 1.350. Árið 2025 voru dvalargestir 1.302 en í þjónustusamningi við Sjúkratryggingar Íslands er gert ráð fyrir 1.350. Fjöldi legudaga var 36.649 en samningurinn miðar við 37.800 legudaga.

Náttúrulækningafélag Íslands er nú að selja sjálfbærnivottaðar íbúðir við Heilsustofnun í Hveragerði. Íbúðirnar eru hugsaðar fyrir þau sem vilja njóta öryggis og þjónustu Heilsustofnunar og um leið einstakt tækifæri fyrir þau sem setja góða heilsu og vellíðan í öndvegi. Allur afrakstur af byggingu og sölu á íbúðum við Lindarbrún rennur til að bæta aðstöðu Heilsustofnunar.

Skoða matseðil

Skrá val á gistingu

Hvernig ber ég mig að?

  • Læknisfræðileg endurhæfing

    Öll íhlutun sem miðar að því að draga úr skerðingu, fötlun og örorku af völdum sjúkdóma og slysa fellur undir læknisfræðilega endurhæfingu.

    Skoða nánar

  • Almenn heilsudvöl

    Á Heilsustofnun geta gestir komið á eigin vegum í sannkallaða heilsudvöl.

    Skoða nánar

  • Námskeið og fræðsla

    Á Heilsustofnun eru fjölmörg námskeið í boði fyrir gesti og almenning er varða endurhæfingu, heilbrigt líferni og aukin lífsgæði.

    Skoða nánar