Fréttir af starfseminni

Í dag var undirritaður nýr fjögurra ára þjónustusamningur við Heilsustofnun Náttúrulækningafélagsins í Hveragerði. Samningurinn gildir frá 1. janúar 2026 til 31. desember 2029. „Samningurinn markar mikilvægt skref í að efla stöðugleika og fyrirsjáanleika í þjónustu við einstaklinga sem þurfa á sérhæfðri endurhæfingu að halda,“ segir í fréttatilkynningu heilbrigðisráðuneytisins. „Hámarksfjárhæð samningsins nemur tæpum 1,5 milljörðum króna á ári. Með samningnum er tryggður traustur grunnur fyrir áframhaldandi uppbyggingu þjónustunnar en síðasti samningur var gerður árið 2019.“

Alma Möller heilbrigðisráðherra, Sigurður H. Helgason forstjóri Sjúkratrygginga Íslands og Þórir Haraldsson forstjóri Heilsustofnunar NLFÍ undirrituðu samninginn formlega í Matstofu Jónasar á Heilsustofnun síðdegis. Samningurinn gildir til ársloka 2029.

Heilsustofnun hefur verið frumkvöðull í áratugi og mikilvægur hlekkur í íslensku heilbrigðiskerfi. „Heilsustofnun NLFÍ hefur í áratugi gegnt mikilvægu hlutverki í íslensku heilbrigðiskerfi og er leiðandi á sviði endurhæfingar. Stofnunin hefur verið frumkvöðull í þróun þverfaglegrar endurhæfingar og mats á árangri meðferða og hefur byggt upp öfluga þekkingu og reynslu sem nýtist einstaklingum víðs vegar að af landinu. Náttúrulækningafélag Íslands hefur frá upphafi verið bakhjarl starfseminnar og átt stóran þátt í uppbyggingu hennar.“

„Við erum mjög ánægð með nýjan samning sem tryggir starfsemi Heilsustofnunar til næstu þriggja ára eða til ársloka 2029 og áframhald þeirrar mikilvægu endurhæfingar sem hér fer fram,“ segir Þórir Haraldsson forstjóri Heilsustofnunar NLFÍ í bréfi til starfsmanna. „Við munum áfram sinna endurhæfingu um 1.350 einstaklinga á ári og sá góði árangur sem við höfum náð fær viðurkenningu með talsvert auknum fjármunum.  Þannig er tryggt að sjúklingar munu áfram fá faglega endurhæfingu hjá þeim frábæra hópi starfsfólks sem vinnur á Heilsustofnun að því að bæta líðan og lífsgæði sjúklinga.“

Mynd: Dagný Dögg Steinþórsdóttir

Í dag verður undirritaður nýr þjónustusamningur við Heilsustofnun Náttúrulækningafélagsins í Hveragerði. Samningurinn er efnislega samþykktur en Alma Möller heilbrigðisráðherra og Sigurður H. Helgason forstjóri Sjúkratrygginga Íslands undirrita samninginn forlega í Matstofu Jónasar á Heilsustofnun um eða upp úr hádegi í dag. Við sama tækifæri verður samningurinn kynntur efnislega. Samningurinn gildir til ársloka 2029.

„Við erum mjög ánægð með nýjan samning sem tryggir starfsemi Heilsustofnunar til næstu þriggja ára eða til ársloka 2029 og áframhald þeirrar mikilvægu endurhæfingar sem hér fer fram,“ segir Þórir Haraldsson forstjóri Heilsustofnunar NLFÍ í bréf til starfsmanna. „Við munum áfram sinna endurhæfingu um 1.350 einstaklinga á ári og sá góði árangur sem við höfum náð fær viðurkenningu með talsvert auknum fjármunum.  Þannig er tryggt að sjúklingar munu áfram fá faglega endurhæfingu hjá þeim frábæra hópi starfsfólks sem vinnur á Heilsustofnun að því að bæta líðan og lífsgæði sjúklinga.“

Við segjum nánar frá innihaldi samningsins síðar í dag.

Höfundur Pálmi Jónasson 26. maí, 2026

„Í veikindaleyfinu endaði ég á dvöl á heilsuhælinu í Hveragerði, sem er vægast sagt frábær staður að vera á,“ segir Jón Viðar Matthíasson í viðtali á Vísi.is. Jón Viðar er fyrrverandi slökkviliðsstjóri Slökkviliðs höfuðborgarsvæðisins og nú framkvæmdastjóri almannavarnarnefndar höfuðborgarsvæðisins.

Undanfarin ár hafa stjórnendur Heilsustofnunar Náttúrulækningafélagsins sett fram framtíðarsýn og yfirlit yfir þau verkefni sem áhersla er lögð á. Áhersla er ætíð lögð á forgangsröðun mikilvægustu þátta til að efla gæði þjónustunnar og mælanleika.

Árlegur fjöldi dvalargesta á Heilsustofnun Náttúrulækningafélagsins í Hveragerði er að jafnaði 1.350. Árið 2025 voru dvalargestir 1.302 en í þjónustusamningi við Sjúkratryggingar Íslands er gert ráð fyrir 1.350. Fjöldi legudaga var 36.649 en samningurinn miðar við 37.800 legudaga.

Náttúrulækningafélag Íslands er nú að selja sjálfbærnivottaðar íbúðir við Heilsustofnun í Hveragerði. Íbúðirnar eru hugsaðar fyrir þau sem vilja njóta öryggis og þjónustu Heilsustofnunar og um leið einstakt tækifæri fyrir þau sem setja góða heilsu og vellíðan í öndvegi. Allur afrakstur af byggingu og sölu á íbúðum við Lindarbrún rennur til að bæta aðstöðu Heilsustofnunar.