Sjúkraþjálfarar á Heilsustofnun sinna bæði hópþjálfun og einstaklingsmeðferð dvalargesta sem þess þurfa. Einnig veita þeir fræðslu og vinna í teymum með öðrum meðferðaraðilum.
Áhersla er lögð á „virka“ meðferð þannig að sjúklingurinn verði meðvitaður um eigin þátt í meðferðinni og framhaldinu eftir að heim er komið.
Talsverður hluti meðferðar fer fram í hópum og sem dæmi um hópmeðferðir má nefna:
- Jafnvægisæfingar: Sérhæfðar æfingar í litlum hópi til að bæta jafnvægi og jafnvægisviðbrögð.
- Bakæfingar: Sérhæfðar æfingar standandi og á dýnu fyrir fólk með bakvandamál með áherslu á stöðugleika og styrktarþjálfun fyrir kvið- og bakvöðva.
- Líkamsvitund/Tai Chi: Kínversk leikfimi, líkamsvitund og jafnvægi, bætir samhæfingu
- Grindarbotnsæfingar: Fræðsla og æfingar fyrir fólk með t.d. áreynsluþvagleka
- Hjartaþjálfun: Þolþjálfun undir eftirliti á hjóli og í tækjum (stig III). Áreynsluþolpróf ef þörf er á.
Fræðsla er stór þáttur í starfi sjúkraþjálfara á Heilsustofnun og á það bæði við einstaklings- og hópmeðferðir.
Dæmi um fræðslufyrirlestra sem sjúkraþjálfarar eru með:
- Hryggurinn – styrkleikar og veikleikar
- Bjargráð – berum ábyrgð
- Sársaukaminni og hreyfing
- Slitgigt
- Hreyfistjórn – stöðugleikakerfi/hreyfikerfi
- Hreyfing sem verkjastjórnun
- Verkir – vinur eða óvinur
Sjúkraþjálfarar og íþróttakennarar taka þátt í teymisvinnu, þjálfun og fræðslu fyrir þá sem koma inn á „línur“ eða í hóp:
- Hjartalína
- Bæklunarlína
- Gigtarlína
- Taugasjúkdómalína
- Verkjalína/vefjagigt
- Offitu-/efnaskiptalína
- Krabbameinslína
- Geðlína/þunglyndi/kvíði
- Streita
- Kulnun
- PostCovidlína
- Öldrunarlína
Íþróttakennarar sjá um fjölbreytta hópþjálfun og fræðslu. Þeir hitta nánast alla dvalargesti og útbúa sérsniðna þjálfunaráætlun fyrir hvern og einn eftir getu hans og markmiði með dvöl. Þeir halda utan um stóran hluta hópþjálfunar en hafa einnig einstaklingsmiðaða þjálfun fyrir dvalargesti í tækjasal og sundlaug.
Leikfimi er í þremur stigum:
- Leikfimi 1: Rólegar æfingar gerðar standandi og í stól (25-30 mínútur)
- Leikfimi 2: Æfingar, mest standandi og aðeins sitjandi, unnið með jafnvægi, styrk, liðleika og samhæfingu (25-30 mínútur).
- Leikfimi 3: Æfingar standandi og á dýnu með áherslu á þol, styrk og liðleika (40 mínútur)
- Leikfimiteygjur: Æfingar á dýnu, liðkandi teygjuæfingar og nudd með bolta (30 mínútur)
Jóga: Jógateygjur á dýnu og standandi fyrir breiðan aldurshóp
Jóga í vatni: mildar jógastöður í innilaug sem er hituð sérstaklega
Vatnsleikfimi er í átta mismunandi hópum:
- Vatnsleikfimi 1: Rólegar æfingar með áherslu á liðleika, jafnvægi og mýkt, einkum ætluð eldra fólki (25 mín)
- Vatnsleikfimi 2: Aðeins meiri hraði og kröfur en í 1 (30 mín)
- Vatnsleikfimi 3: Fyrir nokkuð hressa, aukin mótstaða og hraði
- Vatnsleikfimi 4: Fyrir þá hressustu, meiri mótstaða og hraði
- Vatnsleikfimi fyrir gigtarlínu: Áhersla á liðleika, mýkt og jafnvægi
- Vatnsleikfimi fyrir verkjalínu: Líkamsbeiting, jafnvægi, stöðugleiki og mýkt
- Vatnsleikfimi fyrir fólk með nýja liði/eða fötlun
- Vatnsþrek: Einstaklingsmiðuð þjálfun þar sem viðkomandi bæði syndir og gerir æfingar í vatni. Þjálfun fer fram í útisundlaug.
Einstaklingsmeðferð í vatni: fyrir þá sem þurfa meiri aðstoð, eru hreyfihamlaðir eða vatnshræddir.
Þolganga er í þremur stigum:
- Ganga 1 er mjög róleg ganga á jafnsléttu (20 mín)
- Ganga 2 er fremur róleg ganga að mestu á jafnsléttu, u.þ.b. 2,0 – 2,5 km á 30 mín.
- Ganga 3 er frekar rösk ganga á mishæðóttu. Gengnir eru 3 – 4 km á 40 mín.
Stöku sinnum er í boði Ganga 4 sem er þá mjög rösk ganga á mishæðóttu og gengnir u.þ.b. 4,5 – 5,5 km á 50 mín.
Háls og herðahópæfingar: Rólegar liðkandi æfingar fyrir háls og herðasvæði ásamt teygjum og slökun.
Öldrunarhópar: Æfingar í tækjasal og stöðvaþjálfun í litlum hópum þar sem áhersla er lögð á þjálfun sem nýtist vel og fólk getur haldið áfram að gera heima eftir útskrift.
