Sorgin og lífið - 5. - 12. febrúar 2017
Sorgin og lífið - ástvinamissir og áföll
Námskeiði er lokið - dagsetningar fyrir haustnámskeið eru í vinnslu
Vikudvöl fyrir þá sem hafa orðið fyrir ástvinamissi og eru að vinna úr sorg sinni 5.-12. febrúar 2017
Sorg er eðlileg í kjölfar ástvinamissis en oft gerist það að sá sem syrgir á erfitt með að vinna sig til sáttar í sorgarferlinu. Fyrsta árið er flestum sérstaklega erfitt þar sem við upplifum allt það „fyrsta án...” og það krefst sérstaklega mikils af okkur. Sorgin hefur ólíkar birtingarmyndir en einkenni geta verið líkamleg (höfuðverkur, svefntruflanir, meltingartruflanir og skortur á orku og frumkvæði) og tilfinningaleg (depurð, leiði, reiði, kvíði, hræðsla), hugræn og félagsleg(óþægindi og óöryggi í félagslegum samskiptum).
Markmið
Markmið námskeiðsins er að hjálpa þátttakendum að draga úr vanlíðan sem fylgir sorginni og finna leiðir til að auka jákvæð bjargráð í erfiðum aðstæðum. Lögð verður áhersla á fræðslu og leiðir til að vinna með sorgina, heildræna nálgun, slökun og hugleiðslu. Að auki verður boðið upp á hæfilega hreyfingu og útivist í fallegu umhverfi.
Auk dagskrár er innifalið á námskeiði
- Ljúffengur og hollur matur
- Aðgangur að líkamsrækt, sundlaugum og baðhúsinu Kjarnalundi
- Jóga
- Gjörhygli (mindfulness) og hugleiðsla
- Fræðsla og hóptímar
- Skipulögð ganga
- Slökunartímar
- Leikfimi eða vatnsþrek
- Partanudd og val um leirbað, heilsubað eða nálastungur.
Umsjón er í höndum Bryndísar Einarsdóttur sálfræðings ásamt hópi fagfólks Heilsustofnunnar.
Gott að hafa meðferðis
Sundföt, baðhandklæði, inniskó, vekjaraklukku, föt til æfinga (þægileg íþróttaföt), föt fyrir gönguferðir og þægilega gönguskó.
Ýmislegt
Ýmis þjónusta er í boði s.s. hárgreiðsla, snyrtistofa, verslun, bókasafn og þvottaaðstaða.
Gestir geta bætt við ýmsum meðferðum gegn gjaldi.
Reykingar og/eða áfengisneysla eru ekki leyfðar á meðan dvöl stendur.
Næstu námskeið auglýst síðar.
Verð 145.000 kr. á mann – 137.750 kr. á mann í tvíbýli.
Bókanir og frekari upplýsingar í síma 483 0300 eða á
