Höfundur Pálmi Jónasson 10. september, 2026

Búið er að selja sjö íbúðir við Lindarbrún í Hveragerði. Íbúðirnar eru sjálfbærnivottaðar með LEED vottunarkerfinu. Hér má sjá teikningar og verð á þeim íbúðum sem enn eru óseldar.

Náttúrulækningafélag Íslands er nú að selja sjálfbærnivottaðar íbúðir við Heilsustofnun í Hveragerði. Íbúðirnar eru hugsaðar fyrir þau sem vilja njóta öryggis og þjónustu Heilsustofnunar og um leið einstakt tækifæri fyrir þau sem setja góða heilsu og vellíðan í öndvegi. Allur afrakstur af byggingu og sölu á íbúðum við Lindarbrún rennur til að bæta aðstöðu Heilsustofnunar.

„Ég fokking kláraði maraþon,“ segir Þorsteinn Haukur Harðarson á Facebook síðu sinni. „Frá sjúkrarúmi í heilt maraþon á 1318 dögum.“ Þorsteinn Haukur var orðinn 150 kíló þegar hann fór á Heilsustofnun Náttúrulækningafélagsins í Hveragerði fyrir rúmum þremur árum.

Margrét Grímsdóttir framkvæmdastjóri hjúkrunar á Heilsustofnun Náttúrulækningafélagsins hefur um árabil verið með fræðslu, námskeið og streitumeðferð á Heilsustofnun í Hveragerði.

Í viðtali hjá Heimildinni ræðir Margrét við Ragnheiði Linnet um langvarandi streitu og áreiti sem geta haft skaðleg áhrif. Margrét og Sigrún Sigurðardóttir prófessor við HA hafa verið með námskeið á Heilsustofnun Náttúrulækningafélagsins þar sem þær kenna aðferðir til þess að takast á við streitu og afleiðingar áfalla. Viðtalið við Margréti er birt hér að neðan í heild sinni með góðfúslegu leyfi Heimildarinnar.

Í dag var undirritaður nýr fjögurra ára þjónustusamningur við Heilsustofnun Náttúrulækningafélagsins í Hveragerði. Samningurinn gildir frá 1. janúar 2026 til 31. desember 2029. „Samningurinn markar mikilvægt skref í að efla stöðugleika og fyrirsjáanleika í þjónustu við einstaklinga sem þurfa á sérhæfðri endurhæfingu að halda,“ segir í fréttatilkynningu heilbrigðisráðuneytisins. „Hámarksfjárhæð samningsins nemur tæpum 1,5 milljörðum króna á ári. Með samningnum er tryggður traustur grunnur fyrir áframhaldandi uppbyggingu þjónustunnar en síðasti samningur var gerður árið 2019.“