Auglýsing um skrá yfir störf hjá Heilsustofnun í Hveragerði, sem eru undanskilin verkfallsheimild.

Skrá yfir þau störf sem eru undanskilin verkfallsheimild, skv. 2. mgr. 19. gr. laga nr. 94/1986 um kjarasamninga opinberra starfsmanna með síðari breytingum, en falla undir 3. – 6. tölulið 1. mgr:

           Starfsheiti               Stöðugildi        Stéttarfélag

• Hjúkrunarforstjóri         1,0 stöðugildi -      FÍH
• Hjúkrunardeildarstjóri   0,8 stöðugildi -      FÍH
• Hjúkrunarfræðingar      4,2 stöðugildi -      FÍH
• Sjúkraliðar                    4,2 stöðugildi -    SLFÍ

 Lágmarksöryggismönnun hjúkrunarfræðinga og sjúkraliða er eftirfarandi:

• Morgunvaktir virka daga, 1 hjúkrunarfræðingur og 1 sjúkraliði
• Morgunvaktir um helgar, 1 hjúkrunarfræðingur og 1 sjúkraliði
• Kvöldvaktir alla daga, 1 hjúkrunarfræðingur og 1 sjúkraliði
• Næturvaktir alla daga, 1 hjúkrunarfræðingur og 1 sjúkraliði

Almennar starfsumsóknir

Almennar starfsumsóknir skal senda til Aldísar Eyjólfsdóttur starfsmannastjóra í netfangið This email address is being protected from spambots. You need JavaScript enabled to view it. og einnig er hægt að hafa samband í síma 4830300

Einnig er tekið við umsóknum í bréfleiðis. 

Utanáskrift umsókna er:

Heilsustofnun NLFÍ
b.t. starfsmannastjóra
Grænumörk 10
810 Hveragerði

Farið er með allar umsóknir sem trúnaðarmál.

Nánari upplýsingar veitir starfsmannastjóri, This email address is being protected from spambots. You need JavaScript enabled to view it.

Heilsustofnun er ein stærsta endurhæfingarstofnun landsins og veitir árlega 1350 einstaklingum endurhæfingarþjónustu skv. samningi við Sjúkratryggingar Íslands.

Á Heilsustofnun fer fram einstaklingsmiðuð læknisfræðileg endurhæfing sem stjórnað er af þverfaglegum teymum. Áhersla er á að efla líkamlega, andlega og félagslega færni einstaklinga, auka lífsgæði og styrkja þá til athafna daglegs lífs.

Helstu meðferðarsvið eru verkjameðferð, meðferð vegna streitu og kulnunar, offitumeðferð, geðendurhæfing, hjartaendurhæfing, öldrunarendurhæfing og endurhæfing eftir alvarleg veikindi, aðgerðir eða slys.

Unnið er að þessari síðu vegna uppfærslu á kerfi / 6. janúar 2025 en mun ljúka eigi síðar en á morgun, 7. janúar.

Vinsamlegast hafið samband við Heilsustofnun í síma 483 0300 eða This email address is being protected from spambots. You need JavaScript enabled to view it.

Takk fyrir þolinmæðina.

Algengar spurningar og svör við þeim

Hvað er í boði á Heilsustofnun?
Heilsustofnun er fyrst og fremst endurhæfingastofnun fyrir þá sem koma í læknisfræðilega endurhæfingu með beiðni frá lækni.

Hvað er læknisfræðileg endurhæfing?
Læknisfræðileg endurhæfing er endurhæfingarmeðferð samkvæmt þjónustusamningi Heilsustofnunar við Sjúkratryggingar Íslands.

Hvað er innifalið í verði við læknisfræðilega endurhæfingu?
Innifalið í læknisfræðilegri endurhæfingu er öll meðferð, gisting, fullt fæði ásamt allri annarri þjónustu sem veitt er á Heilsustofnun. Gestir hafa frían aðgang að sundlaug og æfingarsal á auglýstum opnunartímum auk almennri dagskrá (kvöldvökur o.s.frv.).

Hver er kostnaðurinn við læknisfræðilega endurhæfingu?
Þeir sem koma í læknisfræðilega endurhæfingu þurfa að greiða sjálfir fyrir gistingu og fæði. Mismunandi verð er eftir því hvernig herbergi er valið. Uppgefið verð er sá hluti er sjúklingi ber að greiða. Sjá verðlista hér sem dvalargestir þurfa sjálfir að greiða

Hversvegna er munur á verði herbergja?
Verðmunur er tilkominn vegna herbergja í mismunandi gæðaflokkum, en herbergin eru misvel búin ýmsum þægindum, s.s. eftir aldri og hvort herbergi eru með salerni og/eða sturtu.

Hvernig er sótt um dvöl í læknisfræðilegri endurhæfingu?
Skilyrði er að læknir sendi inn beiðni fyrir dvöl. Allir sem sækja um fá sent svarbréf þar sem fram kemur tilboð um dvöl og dvalartíma. Með svarbréfi fá sjúklingar sent eyðublað þar sem þeir þurfa að merkja við ýmsar óskir sínar, þ.m.t. óskir um herbergi.

Hvað eru víxlböð - Kneipp böð og hvernig virka þau?
Víxlböð (Kneipp) er náttúrulegar lækningaaðferðir náðu miklum vinsældum um alla Evrópu á 19. öld, einkum í Þýskalandi. Það eru svonefndar náttúru- og baðlækningar með áherslu á náttúrulega næringu, hvíld og næga hreyfingu til að stuðla að heilsusamlegum lifnaðarháttum. Í Þýskalandi kom Sebastian Kneipp (1821-1897) þessum náttúrulegu lækningaaðferðum saman í kerfi, sem byggist einkum á baðlækningum.
Aðferðir Kneipp stuðla að heildrænni meðferð, en einblína ekki einvörðungu á meinið sjálft. Þekkt aðferð eru svokölluð víxlböð, þar sem gengið er til skiptis í heitu og köldu vatni. Þessi aðferð eykur blóðflæði og þrek. Aðferðir Kneipp eru náskyldar hefðum og meðferðum, sem beitt hefur verið í Heilsustofnun NLFÍ frá því að hún tók til starfa árið 1955. Aðferðir Kneipp eru notaðar með góðum árangri í fjölmörgum Evrópulöndum, Asíu og Bandaríkjunum.
Víxlböð eru góð við verkjum og þreytu í fótum sem geta m.a. stafað af æðaþrenglsum. Víxlböð taka 10-15 mínútur. Byrjað er í 3-6 mínútna heitu kálfadjúpu fótabaði (38-42°C). Síðan er farið í 10-30 sek. Kalt fótabað (15-20°C). Þetta er gert þrisvar. Gott er að hreyfa fæturnar á meðan. Alltaf er endað í kalda vatninu.

Hvað er núvitund?
Orðið núvitund er þýðing á enska orðinu mindfulness. Núvitund á rætur sínar að rekja til aldagamallar hugleiðsluhefð austurlanda. Þar er litið á núvitund sem leið til að hjálpa okkur að sjá skýrar hvernig hugur okkar starfar og sem leið fyrir hvern sem er til þess að öðlast jafnlyndi og hugarró.

Má reykja á Heilsustofnun? 
Reykinar eru með öllu bannaðar, bæði inni á stofnuninni og á lóð hennar. Fyrir þá sem dveljast á Heilsustofnun NLFÍ af öðrum ástæðum og vilja nota tækifærið til þess að hætta að reykja veitir Heilsustofnun NLFÍ stuðning við að hætta að reykja. Í boði eru stuðnings- og hvatningarviðtöl hjá hjúkrunarfræðingum og sjúkraliðum.Þessi meðferð er í boði árið um kring.

Hvað er heilsuefling? 
Hvíldar og hressingardvöl er ætluð fyrir þá sem vilja koma til hvíldar, hressingar, til að efla heilsuna, vegna forvarna eða til að temja sér nýjan lífsstíl. Gesturinn ber allan kostnað sjálfur. Ekki er þörf á að læknir sendi inn beiðni. Sjá verð á heilsudvöl HÉR.

Hvaða önnur þjónusta er í boði?
Eftirfarandi þjónusta er í boði:

Þráðlaust net er á herbergjum og í sameiginlegu rýmum - ekki þarf aðgangsorð

Matstofa Jónasar
Boðið er upp á heilsufæði í veitingasal Heilsustofnunar; morgunverð, hádegisverð, miðdagshressingu og kvöldverð.

Sérstök áhersla er lögð á grófmeti úr jurtaríkinu eins og til dæmis baunir, hýðishrísgrjón, ýmis konar heil korn og svo auðvitað grænmeti og ávexti. Fæðið inniheldur einnig egg og mjólkurvörur.
Leitast við að nota eins lítið af salti, harðri fitu og sykri eins og mögulegt er. Það er stefna HNLFÍ að hafa sem minnst af unnum matvælum, við veljum okkar hráefni mjög vandlega og allur matur er eldaður frá grunni á staðnum. Við bökum okkar eigið brauð úr 100 % heilhveiti og uppistaðan í grænmetinu er það sem er lífrænt ræktað á staðnum.
Boðið er upp á matreiðslunámskeið. Einnig er boðið upp á að matarþjónustu fyrir fyrirtæki.

Stakar meðferðir s.s. eins og nálastungur, heilsubað, sjúkranudd og leirbað.

Baðhúsið - Kjarnalundur
Baðhúsið er opið fyrir almenning eftir kl. 16. virka daga og um helgar frá kl. 10 til 17.

Snyrtistofan Athena
Tímabókanir í Noona appi eða í síma 4830273/8352255

Hársnyrtistofan Gná
Boðið er upp á alhliða hársnyrtingu fyrir bæði dömur og herra.
Opið alla virka daga.
Tímapantanir eru í síma 483 0274 eða 691 1036.

Heilsubúðin
Á Heilsustofnun er verslun sem selur ýmsar vörur á sanngjörnu verði. Fatnaður, sundföt, snyrtivörur, krem og margt fleira.
Opið mánudaga til fimmtudaga frá 11:30-16:00.
Síma 483 0352.

Starfsfólk á Heilsustofnun

Komutími og brottför

Komutími á Heilsustofnun NLFÍ er kl. 12:30-14:00 innlagnardag. Dvalargestir eru beðnir um að rýma herbergi fyrir kl. 10:00 brottfarardag. Vinsamlega athugið að fólk þarf að vera sjálfbjarga til að geta nýtt sér endurhæfingu á Heilsustofnun og geta farið sjálft um langa ganga innanhúss.

Minnislisti:

• Sundföt, baðhandklæði, baðsloppur, inniskór, vekjaraklukka, föt og skór til æfinga innanhúss og útivistar.
• Öll lyf sem þú tekur. Afrit af blóðrannsóknum seinustu sex mánaða.
• Hjálpartæki s.s. göngugrind, hækjur eða stafur.
• Sumum finnst gott að hafa sinn eigin kodda.
• Þráðlaust net er í öllum herbergjum og á flestum almenningssvæðum.
• Ganga þarf frá greiðslu strax við komu. Fyrsti og síðasti dagur dvalar reiknast sem einn dagur.

Heilsustofnun NLFÍ í Hveragerði er reyklaus. Öll meðferð áfengis og tóbaks eru með öllu bönnuð, inni á stofnuninni og á lóð hennar. Sama gildir um rafrettur. Dvalargestum standa til boða áhugahvetjandi viðtöl og stuðningur til reykleysis.

Eftirfarandi þjónusta er í boði á Heilsustofnun:

• Verslun, hárgreiðslustofa, snyrtistofa og bókasafn er á göngum hússins.
• Þvottavél og þurrkari er á staðnum, gjaldfrjálst.

Nánari upplýsingar:

Í síma 483 0300 kl. 10-12 virka daga. Fyrirspurnir má senda á netfangið This email address is being protected from spambots. You need JavaScript enabled to view it.

Staðfestingargjald:

Greiða þarf 50.000 kr. staðfestingargjald í síðasta lagi átta vikum fyrir innlagnardag. Greiðsluseðill er sendur og gjaldið er óafturkræft.