Heilsustofnun er lokuð fyrir almenning vegna kórónuveirufaraldursins.   Nánari upplýsingar
 

29. mars 2021

 

Heilsustofnun er lokuð almenningi vegna kórónuveirufaraldursins. Full endurhæfingarstarfsemi er hinsvegar hér í gangi. Við biðjum alla, starfsfólk og dvalargesti, að fara sérlega varlega í allri umgengni og ekki koma inn á stofnunina ef þeir eru með einhver flensulík einkenni, hita, slappleika eða hósta.

Allir þurfa hér að gæta sérstaklega vel að einstaklingsbundnum sóttvörnum, góðum handþvotti, sprittun og 1-2 metra fjarlægð. Við heilsumst með brosi en ekki handabandi. Vel er hugað að sótthreinsandi þrifum á stofnuninni og sérstaklega hvað varðar almenna snertifleti.  Sprittstandar og -brúsar eru víða um húsið. Grímuskylda er nú á Heilsustofnun í almenningsrýmum og þar sem ekki er hægt að viðhafa fjarlægðarmörk (fólk sem hefur fengið COVID-19 eða er fullbólusett er undanskilið).

Dvalargestir þurfa alltaf að spritta hendur áður en farið er í matsal og tækjasal og einnig á eftir. Þeim er úthlutað handklæði til að leggja á dýnur í leikfimi og teppi til að nota í hita-og slökunarmeðferðum. Hámarksfjöldi í hreyfitímum er í dag takmarkaður við 20 manns.

Við biðjum dvalargesti um að fara helst ekki út fyrir stofnunina og heimsóknir eru aðeins leyfðar í undantekningartilfellum og þá í samráði við hjúkrunarvakt.

Dvalargestir þurfa að láta hjúkrunarvakt strax vita ef þeir veikjast eða finna fyrir flensulíkum einkennum. Ef minnsti grunur er um COVID-19 fer viðkomandi í sýnatöku og er beðinn um að bíða svars heima ef kostur er. Dvalargestir með önnur smitandi veikindi t.d. hita og hósta, mega ekki taka þátt í neinum tímum eða meðferðum meðan á veikindum stendur. Þeim stendur til boða að fara heim og fresta dvöl meðan á veikindum stendur.

Þess ber að geta að á því rúma ári sem liðið er frá því að kórónuveirufaraldurinn hófst hefur ekkert smit borist inn á stofnunina og þannig viljum við hafa það áfram!

Hér er hlekkur á upplýsingasíðu landlæknis https://www.landlaeknir.is/koronaveira/