Heilsustofnun er lokuð fyrir almenning vegna kórónuveirufaraldursins.   Nánari upplýsingar
 

Heilsustofnun er ein stærsta endurhæfingarstofnun landsins og veitir árlega 1350 einstaklingum endurhæfingarþjónustu skv. samningi við Sjúkratryggingar Íslands.

Á Heilsustofnun fer fram einstaklingsmiðuð læknisfræðileg endurhæfing sem stjórnað er af þverfaglegum teymum. Áhersla er á að efla líkamlega, andlega og félagslega færni einstaklinga, auka lífsgæði og styrkja þá til athafna daglegs lífs.

Helstu meðferðarsvið eru verkjameðferð, meðferð vegna streitu og kulnunar, offitumeðferð, geðendurhæfing, hjartaendurhæfing, öldrunarendurhæfing og endurhæfing eftir alvarleg veikindi, aðgerðir eða slys.

 

 

Störf í boði

Læknir

Óskum eftir að ráða endurhæfingarlækni eða annan sérfræðilækni sem hentar starfseminni vel svo sem heimilislækni, lyflækni, öldrunarlækni eða geðlækni.

Starfslýsing: Viðtal og skoðun nýrra sjúklinga og gerð meðferðaráætlunar, þverfagleg teymisvinna, tilfallandi læknisstörf og bakvaktir. Um framtíðarstarf er að ræða en sumarafleysing kemur einnig til greina.

Æskilegt er að viðkomandi geti hafið störf sem fyrst. Reynsla og áhugi á rannsóknarvinnu er kostur.

Starfshlutfall er eftir samkomulagi.

 

Sálfræðingur

Sálfræðingur óskast til starfa. Um framtíðar-starf er að ræða en sumarafleysing kemur einnig til greina. Starfið er fjölbreytt og felst í viðtölum við dvalargesti, að veita almenna fræðslu og leiða meðferðarhópa, auk þátttöku í þverfaglegum teymum. 

Á síðustu árum hefur áhersla verið lögð á hvernig núvitund og samkennd nýtist í meðferðarstarfi.


Starfshlutfall er eftir samkomulagi.

 

Sjúkraþjálfari

Sjúkraþjálfari óskast til starfa í sumar. Starfið er fjölbreytt, auk hefðbundinnar sjúkraþjálfunar felur það í sér kennslu í hóptímum, fræðslu, útigöngur og þátttöku í þverfaglegu teymisstarfi. 

Starfshlutfall er 100%

 

Íþróttakennari

Íþróttakennari óskast til starfa í sumar. Starfið er fjölbreytt, einstaklingsþjálfun og kennsla í hóptímum, s.s. vatnsleikfimi og leikfimi, fræðsla, göngur og þátttaka í þverfaglegu teymisstarfi.

Starfshlutfall er 50-80%

 

Hæfniskröfur

  • Íslenskt starfsleyfi og góð íslenskukunnátta
  • Faglegur metnaður og ábyrgð í starfi
  • Reynsla af þverfaglegu meðferðarstarfi er kostur
  • Lipurð og hæfni í mannlegum samskiptum

 

Nánari upplýsingar veita:

G. Birna Guðmundsdóttir framkvæmdastjóri lækninga – This email address is being protected from spambots. You need JavaScript enabled to view it.

Steina Ólafsdóttir deildarstjóri sjúkraþjálfunar – This email address is being protected from spambots. You need JavaScript enabled to view it.

Aldís Eyjólfsdóttir starfsmannastjóri – This email address is being protected from spambots. You need JavaScript enabled to view it. s. 4830300

 

Umsóknarfrestur er til 15. apríl. 

Möguleiki er á húsnæði á staðnum. Einnig ekur starfsmannarúta til og frá Olís við Rauðavatn í Reykjavík.

Umsóknir með ferilskrá berist til starfsmannastjóra á This email address is being protected from spambots. You need JavaScript enabled to view it.