Fréttir af starfseminni

 Námskeiðið Streita, áföll og taugakerfið var haldið í annað sinn hér á Heilsustofnun í byrjun nóvember sl.

Fullbókað hefur verið á námskeiðin sem spannar fjóra daga og er boðið upp á fræðslu um afleiðingar áfalla og langvinnrar streitu á andlega og líkamlega heilsu og kynntar ýmsar leiðir til að vinna með áhrif þess. Mikil áhersla er lögða á slökun, jóga nidra djúpslökun, möntruhugleiðslu o.fl. Góður og heilsusamlegur matur er að sjálfsögðu innifalinn ásamt aðgengi að baðhúsinu Kjarnalundi, líkamsrækt o.fl.
Námskeið verða eftir áramót og við munum kynna það vel þegar dagsetningar liggja fyrir.

Í dag verður undirritaður nýr þjónustusamningur við Heilsustofnun Náttúrulækningafélagsins í Hveragerði. Samningurinn er efnislega samþykktur en Alma Möller heilbrigðisráðherra og Sigurður H. Helgason forstjóri Sjúkratrygginga Íslands undirrita samninginn forlega í Matstofu Jónasar á Heilsustofnun um eða upp úr hádegi í dag. Við sama tækifæri verður samningurinn kynntur efnislega. Samningurinn gildir til ársloka 2029.

Í dag var undirritaður nýr fjögurra ára þjónustusamningur við Heilsustofnun Náttúrulækningafélagsins í Hveragerði. Samningurinn gildir frá 1. janúar 2026 til 31. desember 2029. „Samningurinn markar mikilvægt skref í að efla stöðugleika og fyrirsjáanleika í þjónustu við einstaklinga sem þurfa á sérhæfðri endurhæfingu að halda,“ segir í fréttatilkynningu heilbrigðisráðuneytisins. „Hámarksfjárhæð samningsins nemur tæpum 1,5 milljörðum króna á ári. Með samningnum er tryggður traustur grunnur fyrir áframhaldandi uppbyggingu þjónustunnar en síðasti samningur var gerður árið 2019.“

Höfundur Pálmi Jónasson 26. maí, 2026

„Í veikindaleyfinu endaði ég á dvöl á heilsuhælinu í Hveragerði, sem er vægast sagt frábær staður að vera á,“ segir Jón Viðar Matthíasson í viðtali á Vísi.is. Jón Viðar er fyrrverandi slökkviliðsstjóri Slökkviliðs höfuðborgarsvæðisins og nú framkvæmdastjóri almannavarnarnefndar höfuðborgarsvæðisins.

Undanfarin ár hafa stjórnendur Heilsustofnunar Náttúrulækningafélagsins sett fram framtíðarsýn og yfirlit yfir þau verkefni sem áhersla er lögð á. Áhersla er ætíð lögð á forgangsröðun mikilvægustu þátta til að efla gæði þjónustunnar og mælanleika.

Árlegur fjöldi dvalargesta á Heilsustofnun Náttúrulækningafélagsins í Hveragerði er að jafnaði 1.350. Árið 2025 voru dvalargestir 1.302 en í þjónustusamningi við Sjúkratryggingar Íslands er gert ráð fyrir 1.350. Fjöldi legudaga var 36.649 en samningurinn miðar við 37.800 legudaga.